manel cráneo

CARTEL VIII GALA MANICÓMICOS

2011-12-27T07:20:00.000-08:00

BO NADAL CON BERROGÜETTO

2011-12-22T04:23:00.000-08:00

A figura do apalpador, rescatada para a felicitación de nadal de Berrogüetto. A tarxeta vai acompañada dunha fermosa canción inédita que podedes escoitar pinchando aquí:

"NADAL EN ARCOS" MP3

FELICES FESTAS ;-)

CUNCAS PLANETA MINCHA

2011-12-20T07:34:00.000-08:00

Edición limitada de 50 cuncas da miña marca Planeta Mincha, serigrafiadas no taller de Xulia Barros. Podedes mercalas na web de Demo Editorial e na tenda Gaolo Artesanía en A Coruña.

Axiña que xa quedan poucos!!

Prezo: 10 euros.

MENÚ VEXETAL

2011-12-11T09:05:00.000-08:00

Acabo de rescatar, entre carpetas, este proceso de traballo para MENÚ VEXETAL, un musical de teatro e danza para público infantil, da compañía Disquedanza. Estás son algúns anotacións con algúns dos bocetos e notas enviados á compañía durante o proceso creativo do que tamén deseñei a escenografía no 2006. Unha experiencia moi divertida debuxar aos seres vivos da horta.

POLBO MINUSVÁLIDO

2011-11-08T05:00:00.000-08:00

Para señalizar o baño de minusválidos na nova Pulpeira de Melide (Praza de España, A Coruña).

CUBERTAS NOVOS TÍTULOS "DIARIO DE PICHÜK"

2011-10-20T08:30:00.000-07:00

CARTEL CURSO MANICÓMICOS 2011-12

2011-10-11T11:18:00.000-07:00

DOUS NOVOS TÍTULOS DA SERIE "DIARIO DE PICHÜK"

2011-09-12T07:30:00.000-07:00

Nos próximos días estarán á venta dous libros máis da marca Planeta Mincha dentro da serie Diario de Pichük, editada por Everest.
Nesta pequena promo podemos ver un anticipo de varias das imaxes de "O agradecido zigüt", na que Pichük e máis Riböt arriscarán a súa vida na procura dunha nova especie que tan só se atopa nunha das rexións máis inaccesibles do planeta.

"A aventura da ciencia, convírtenos en heroes do coñecemento"
Vello proverbio hirflö.

NOVAS AVENTURAS DE PICHÜK

2011-08-06T04:56:00.000-07:00

Un gusanöt avanza lentamente polo deserto de Aridöndia. Inconsciente dos perigos que este árido territorio pode ofrecer. Un deles é o ataque da coñecida "rodadeira de Aridöndia", o lampönak.

"O temible lampönak" é un dos dous novos libros ilustrados de Diario de Pichük que serán publicados por Everest Galicia a finais deste ano. O científico máis prestixioso do Planeta Mincha, regresa con dúas novas investigacións sobre a fauna do seu planeta . Dúas misións levadas a cabo nas rexións de Hëlüs e Aridöndia respectivamente, nas que unha vez máis poñera a súa vida en perigo por mor da súa curiosidade científica. Sempre xunto ao seu inseparable robot Riböt.

PEPE VIYUELA MANICÓMICO

2011-07-15T09:57:00.000-07:00

Que luxo. Pepe Viyuela posando xunto a un dos meus carteis. A foto e cortesía dos colegas manicómicos.

CARTEL XII FESTIVAL MANICÓMICOS

2011-07-14T15:06:00.000-07:00

Achégase en balsa pola baía da Coruña unha edición más do festival manicómico. Unha imaxe renovada e distinta, deixando algúns elementos de deseño dos carteis anteriores. O que máis me gusta de facer a imaxe deste festival é que comenzo a divertirme durante o proceso e cando remato o cartel aínda me quedan por diante todos os espectáculos. Un pracer poder facelo unha edición máis e cun sorriso na cara. Non vós perdades o festival.

XOGO "O GALEGO MEDRA CONTIGO"

2011-06-29T04:43:00.000-07:00

Aí vai un dos traballos máis recentes. Un xogo de dinamización da lingua galega, editado por Demo para o Concello de A Coruña a través da Concellaría de Solidariedade, Mocidade e Normalización Lingüistica.

Unha peza para repartir entre os nenos coruñeses dentro da campaña de promoción da lingua que levaba o mesmo nome e aglutinou diversas actividades. Neste caso é un xogo con cinco modalidades de competición diferentes, todas elas de axilidade e percepción visual. Consta de 150 fichas de 75 modelos diferentes, dúas de cada modelo.

É un traballo moi agradecido e divertido deseñar xogos. Este xa non é o primeiro nin será tampouco o derarradeiro que faga.

NOITE DE CINE 2011

2011-06-20T10:00:00.000-07:00

Un ano máis, os amigos de IB Cinema, confiáronme o cartel do ciclo de cinema de rúa "Noite de Cine", que organizan coa Deputación da Coruña. Neste caso o tema de fondo é o Mosteiro de Caaveiro, na Fraga do Eume, un entorno que está entre os meus rincóns naturais favoritos. De feito cando me suxeriu Ignacio Benedeti o tema, pareceume unha excusa estupenda para reencontrarme unha vez máis cun dos poucos lugares que quedan na provincia da Coruña onde atopar fauna e a flora autóctona. Xa está ben de tanto eucalipto!

INEPLAN

2011-05-24T01:31:00.000-07:00

INEPLAN

2011-05-18T03:44:00.000-07:00

Este é un video de presentación que fixen para a plataforma INEPLAN. Adícanse a organizar eventos on-line. A idea era facer un video sinxelo que explique para que sirve e de que formas se pode facer uso dos servizos que ofrece a súa web mediante unha serie de animacións sinxelas. A música tamén e de colleita propia.

Pinchando aquí, podedes ver o video con máis resolución.

"CHAMÁDEME SIMBAD" PREMIO FREI MARTÍN SARMIENTO

2011-04-07T04:36:00.000-07:00

O tandem feito con Francisco Castro volve a rexurdir con éxito. "Chamádeme Simbad" acadou esta semán o Premio Frei Martín Sarmiento. Arredor de 2400 escolares galegos elixen os dous mellores libros do ano. É a segunda vez que un libro que facemos xuntos leva este premio, o outro foi "Un Bosque Cheo de Faias".

DIARIO DE PICHÜK promo

2011-03-31T15:50:00.000-07:00

Este é o video que realicei para a serie DiaRIo de PiChüK. Paseino pipa, especialmente facendo a música. Para setembro haberá dous novos títulos da colección no mercado. Ademáis, antes do remate deste ano sairá editada unha novela gráfica ambientada tamén no PläNeTä MÏNchA, titulada DesTinO HëRGüSS, con algunha que outra sorpresa incluída.

Este fin de semán presentarei o proxecto no festival da industria cultural galega ACHEGARTE, en PALEXCO (A Coruña). Por se alguén quere pasarse, a presentación é o sábado ás 13:45 h.

Por certo, o video pódese ver a máis resolución na canle de Demo Editorial en youtube.

Mïncha Mïncha Minchök!!!

"CHAMÁDEME SIMBAD" NA LISTA DE HONRA DO IBBY

2011-03-01T03:54:00.001-08:00

Moi de cando en vez e cando un non o espera, chegan boas novas. En tempos nos que hai que remar duro contra a crise e o traballo non abunda máis alá do horizonte dos cartos que axudan a pagar hipotecas, hai outros tesouros non pecuniarios máis dignos de ser encontrados, como o atopado na viaxe dalgún neno chamado Simbad.

Francisco Castro lanzou unha botella ao mar hai un tempo e convidoume a ilustrar as palabras que ían dentro, cousa que me encantou. Hoxe chamoume para dicirme que aquel libriño foi encontrado moi lonxe das augas galegas, cousa que me volveu a encantar, e agora está a salvo na Lista de Honra do IBBY para 2012.

Para mín é un libro moi especial xa que fala dunha enfermidade que no momento no que fixemos o libro, apareceu en alguén da miña propia familia. Alégrome de acompañar a Francisco neste libro que tan boas novas está dando. E alégrome de que o seu texto leve esta mención.

XI FESTIVAL MANICÓMICOS

2011-02-28T11:04:00.000-08:00

EXPO OS LOBOS DE MOECHE NA CORUÑA

2011-01-27T13:00:00.000-08:00

Mañán, venres 28 de xaneiro, inaugurase na Libraría ENDO (Rúa Entrepeñas, A Coruña) unha pequena mostra de reproduccións, lápices e tintas de pranchas do album Os Lobos de Moeche. Os cadros expostos estarán á venta, hai que buscar fórmulas para salvar a crise.
Ademáis vanse a proxectar varios videos relacionados có libro ademáis da típica sesión de sinaturas para que quen queira mercalo album e levalo customizado.

Non pensei que este album fose a dar tanto que falar cando o fixen. Todo o interese que levanta segue a ser un misterio para mín, iso si, un grato misterio.

A TORRE PIRATA

2010-12-28T07:18:00.000-08:00

Ultimamente vivo rodeado de piratas, curiosamente os colegas manicómicos me encargaron este novo cartel para a súa Gala de Aniversario onde a temática principal serán os piratas. Esta vez a Torre de Hércules luce o seu lado máis salvaxe para anunciar o esxpectáculo que terá lugar o día 8.

A CONTAR ESTRELAS NO CAMIÑO

2010-12-10T09:17:00.000-08:00

Estas son varias das ilustracións para o libro A CONTAR ESTRELAS NO CAMIÑO.

Trátase dun divertido texto para nenos escrito por Nati Borrajo que tiven o pracer de ilustrar este verán. A historia está relacionada coa conexión entre as estrelas e a tradición do camiño de Santiago. A publicación forma parte dunha campaña de promocional da Xunta de Galicia e está editado por Galaxia. A verdade é que foi un texto divertido de ilustrar xa que toda a acción transcorre nunha mesma noite e nun único sitio, o xardín dunha casa e iso deume certo xogo á hora de planificar as ilustracións. Tamén foi divertido darlle un tinte máxico ao conxunto engadindo algún elemento que complementa ao texto mediante un xogo que remata na contracuberta do libro.

O libro trae de agasallo un dvd que contén a curtametraxe O FILLO DO TRONO, da produtora FILMAX.

CUBERTA REVISTA BIBLOS

2010-12-02T13:42:00.001-08:00

Esta é a imaxe de cuberta para o número da revista Biblos que pecha este ano. Cando me pediron que a fixese, pensei que podería quedar bonito rendirlle homenaxe a Stevenson no ano do 160 aniversario e xa postos á literatura de piratas e máis concretamente a algúns libros que me gustaron deste xenero e doutros. De ai este especial tesouro que nunha illa deserta ben vale máis que un feixe de moedas de ouro.

Unha curiosidade desta ilustración, o pirata que aparece non é Long John Silver, non hai máis que fixarse na súa pata de pao para caer na conta de que este debe ser outro, igual ata navegaron xuntos, vai tí a saber.

DIARIO DE PICHÜK: AS MINCHAS DE ARIDÖNDIA

2010-10-07T12:40:00.000-07:00

Tiña pendente falar, desde hai un tempo da segunda entrega da serie Diario de Pichük, ambientada no Planeta Mincha. Despois dun album iniciático onde se presenta a Pichük ("Quen é Pichük"), o segundo título "As minchas de Aridöndia" supón o relato que este científico hirflö nos conta sobre a súa investigación en Aridöndia, onde estudou o comportamento da especie que lle da nome ao seu planeta, as minchas de Aridöndia.

Estas son algunhas imaxes deste segundo libro da serie que esta sendo publicada por Everest e que vai destinada a lectores de 5 anos de idade en adiante. Agora mesmo xa teño escritas 8 entregas máis e espero que no primeiro trimestre de 2011 saian por fin publicados os dous seguintes libros.

X FESTIVAL MANICÓMICOS

2010-08-04T10:18:00.000-07:00

Xa están aquí de novo os colegas manicómicos có seu X festival. Paseino teta facendo este cartel circense para a edición de verán.

...E ATA AQUÍ PODO LER

2010-08-04T03:54:00.000-07:00

Como se pode comprobar, non todo vai a ser debuxar, un pouco de traballo físico axuda a baixar da nube na que vivimos os tolos da creatividade. E así fixemos a miña amiga Almudena Aparicio e máis eu nesta cadea de montaxe de catálogos da AGPI. Para que así conste aí vai este pequeno e delirante microfilm que non puido producir Spielberg porque a semán que o fixemos tiña a gripe A.

Os catálogos, en forma de pantonario feito con pmarcapáxinas, poderánse adquirir no stand da AGPI, durante o Viñetas desde o Atlántico, a vindeira semán e todas as ilustracións que conteñen, forman parte xa dunha exposición inaugurada hai un par de días na Sala Municipal de Durán Loriga en A Coruña. Permanecerá ata finais deste mes.

NOROESTE POPROCK 2010

2010-07-31T12:17:00.000-07:00

Hai un ano fixen unha imaxe para o Concello de A Coruña que se utilizou para o cartel do concerto Rock no Camiño. Este ano pedíronme reutilizala para o Noroeste Pop Rock. Agora haberá que esperar un tempo xa que non hai dous sen tres.

NOITE DE CINE 2010

2010-07-14T15:05:00.000-07:00

Por segundo ano consecutivo tocoume facer o cartel do ciclo de cine na Rúa Noite de Cine, organizado pola produtora Benedeti Cinema. 55 municipios galegos acolleran este ciclo de verán que este ano xira en torno a peliculas baseadas en libros con motivo da celebración do Ano da Lectura.

LAGARTO PINTADO

2010-07-10T04:32:00.000-07:00

Para celebralo Día Internacional do Libro Infantil, GALIX, en colaboración coa Xunta fai tódolos anos unha campaña promocional editando dous libros para diferentes sectores de idade. A colección chámase lagarto Pintado e úsase para agasallar a todos aqueles que mercan un libro ese día.

Este ano encargáronme a mín facer unha das cubertas, a do libro destinado a rapaces de 11 anos en adiante. Nesta ocasión comparto espazo con varios amigos porque un dos textos é do colega Francisco Castro e o imagotipo da colección e doutra persona á que lle teñó moito agarimo, Xan López Domínguez.

A idea que me plantexou Manolo Figueras, tamén colega e coordinador do invento, era facer a miña versión dun lagarto pintado e saliume esta criaturiña coa que quedei moi contento. Creo que a composición para a cuberta e contracuberta do libro funciona realmente ben e reflicte tamén o divertido que resultou facer este traballo.

DIARIO DE PICHÜK: QUEN É PICHÜK?

2010-06-09T10:11:00.000-07:00

Xa están nas librarías os dous primeiros títulos da colección Diario de Pichük, ambientadas no meu universo particular Planeta Mincha. O primeiro libro presenta a Pichük, un científico destinado a adicala súa vida a investigar as diferentes especies do seu peculiar planeta.
Neste caso, as historias van destinadas ao público máis pequeno, a partir de 5 anos. Unha visión desde un prisma diferente das cousas que pasan neste planeta imaxinario, que como o noso propio, nin é un planeta para nenos, nin é un planeta para adultos, simplemente é un planeta que ben podería ser visto pola mirada inocente dos primeiros ou a trastornada e enfermiza visión dos segundos.
Disfrutadeo desde o punto de vista que queirades.

PLANETA MINCHA NA TVG
Mañá, xoves 10 de xuño serei entrevistado no programa matinal da TVG para falar deste proxecto e desvelar dalgúns do seus misterios sen resolver, ou non. A cita será a eso das 11:10.
Espérovos ao outro lado da pantalla.

PLANETA MINCHA NA REVISTA "DOS VECES BREVE"

2010-05-04T08:53:00.000-07:00

Esta semán sae a venta o nº21 da revista "Dos Veces Breve", onde aparecerán dúas entregas da miña serie Planeta Mincha Xeográfico, que anteriormente foran publicadas en galego na revista Viralatas. A revista presenta un número moi completo onde aparecerán tamén historietas de: Jorge García y Andrés G. Leiva, Ken Niimura, Luciano Saracino e Infame & Co., Diego Blanco, José Pablo, Pedro Osés, Rafa Infantes, P. Álex, Joaquín Resano y Simonides y Álex Romero y Lola Sánchez.
Non deixedes de mercala.
Dos Veces Breve nº 21
52 páginas Color y blanco y negro
Rústica 30 x 21,5 cm
PVP: 5,95 €

MARCAPÁXINAS PLANETA MINCHA

2010-04-26T11:51:00.000-07:00

A AGPI ven de editar unha colección de marcapáxinas de autores galegos de título E ATA AQUI PODO LER...
O meu deseño é un fragmento dunha das ilustracións do primeiro libro da colección Diario de Pichük, ambientada no meu universo particular "Planeta Mincha" e que se poderá mercar nas librarías en cousa de poucos días.
Estes marcapáxinas xa se estiveron distribuíndo na Feira de Boloña e tamén na do libro que se celebrou a pasada semán en A Coruña.
Por certo, a frase que aparece no centro do marcapáxinas está escrita en idioma hirflö, un dos idiomas oficiais do Planeta Mincha. Que quererá dicir?

CALENDARIO DA FUNDACIÓN CEO

2010-04-22T05:14:00.000-07:00

Por fin chegaron os calendarios da CEO. A finais do ano pasado unha agrupación de ONGs de Ourense encargoulle ao meu colega David Rubín que coordinase un calendario no que 12 ilustradores galegos fixesemos cada un dos meses do ano e o relacionasemos con outras tantas ONGs. A mín pedíronme que fixese o mes de maio con a Cruz Roja. Este foi o resultado.

Maio é o mes das frores e pensei nesta metáfora visual protagonizada por unha pequena familia de ananos.
Os calendarios quedaron moi ben impresos e tamén fixeron unha edición de láminas con cada ilustración. Este tipo de proxectos sempre son agradecidos aínda que xusto sendo un calendario me chegase fora de data polo que desde aquí quero darlle as grazas a David por convidarme a colaborar.

DO A AO Z CON CASTELAO

2010-03-08T04:49:00.000-08:00

Castelao debería de ser para un ilustrador galego o que é deus para os cristiáns ou Buda par os budistas. Facer este libro foi un exercicio estupendo e supuxo para mín unha nova revisión ao mestre e a súa obra. Dalgún xeito tamén un rencontro con imaxes súas que marcaron dalgún xeito o meu camiño artístico.

O libro pertence a unha colección de Everest que pon as voces de escritores clásicos nas doutros contemporáneos. Neste caso tiven o pracer de ilsutrar por segunda vez a Concha Blanco coa que xa traballei en conxunto na novela Nano.

Do A ao Z con Castelao, contén 23 textos ilustrados, un por cada letra, artellados todos arredor de palabras significativas na vida e obra de Castelao. Para mín foi un exercicio de estilo no que intentei buscar a sinxeleza e a síntese xa que ese era unha das ferramentas básicas do autor cando facía ilustración. Cabe dicir que a liberdade creativa que me ofrece Everest cando traballo con eles é unha das maiores axudas que pode recibir un creador porque cando un traballa limitado por esixencias artísticas polo xeral ese reflictese negativamente nos resultados.

A creación canto máis libre e con menos prexuizos, máis favorecida.

Espero que o meu traballo sexa todo o digno que merece a ocasión e máis cando os textos de Concha Blanco son fantásticos e amosan o seu bo coñecemento sobre a obra deste xenio de Rianxo.

CARTEL IX FESTIVAL MANICÓMICOS

2010-03-04T05:35:00.000-08:00

CARAPUCHIÑA "EN ROSE"

2010-02-25T05:33:00.000-08:00

Xa está nas librarías Carapuchiña "en rose", un texto ameno e moi crítico de Anxela Gracián baseado no conto orixinal de carapuchiña bermella pero facendo alusión direita a un gran problema social que sufrimos constantemente, a violencia de xénero.

CARTEL GERIATROS

2010-02-15T08:31:00.000-08:00

Cartel para unha campaña informativa dunha rede estatal de geriátricos.

PREMIO PARA "CHAMÁDEME SIMBAD"

2010-01-19T06:59:00.000-08:00

Estes días a web Fervenzas Literarias, un dos lugares de referencia no que á literatura galega se refire, facía públicos os resultados das votacións dos seus lectores e lectoras á pregunta de cales foran os mellores libros do ano pasado. Chámademe Simbad, ilustrada por mín sobre un precioso texto de Francisco Castro levou o premio para o mellor libro infantil.

Ademáis a cuberta do libro quedou de cuarta no apartado de mellor cuberta e eu de quinto na selección dos mellores ilustradores de 2009. É o segundo libro que ilustra de Francisco Castro e xa nao anterior (Un bosque cheo de faias) lle derán o premio Frai Martín Sarmiento. Os dous premios os otorgan os lectores e creo que é de agradecer que sexan eles mesmos os que elexiran estes libros.

A verdade é que non me esperaba nada isto ou sexa que hoxe teño motivos para estar contento e tamén unha boa excusa para colgar algo no blog porque o tiña abandonado desde hai uns meses.

CARTEL TALLERES DE TEATRO SAN&SAN

2009-10-21T05:33:00.002-07:00

Aí vai outro cartel deses antigos que vou recuperando por cd´s extraviados. Este é de hai catro anos, para anunciar os talleres de teatro da compañía San&saN.

CONTOS PARA FALAR

2009-10-16T05:02:00.000-07:00

Xa está en marcha a campaña de dinamización do galego Contos para falar, de editorial Edebé. A campaña levará por máis de cincuenta escolas galegas un espectáculo con música e contos e eu fun o encarregado de facela imaxe do proxecto. Cartelería, lonas e deseño dun cd que leva a bso do proxecto. A música corre a cargo do meu colega Fernando Esclusa que é tamén un dos produtores da campaña.

ESTA É A MIÑA FAMILIA

2009-09-22T01:39:00.000-07:00

Estas son varias imaxes e a cuberta do album infantil que se distribue a partir de esta mesma semán. Esta é a miña familia é un conto didactico para nenos de 3 anos en adiante que trata sobre a integración dos diferentes modelos familiares. Esta escrito pola miña colega Pupi e editado por Everest Galicia. Un libro aberto para que os máis novos aprendan a construir un mundo mellor e sen diferencias sociais.

VIII FESTIVAL MANICÓMICOS

2009-07-28T06:46:00.000-07:00

De novo me pediron un cartel os colegas manicómicos, esta vez para o seu VIII Festival e tamén un deseño de camisetas para vender durante o festival. Pedíronme que xogase coa Torre de Hércules que este ano está máis de moda que nunca por acadar o título de Patrimonio da Humanidade pola UNESCO. Aí a tedes facendo malabares coa caveira e osos de Xerión que comparten espazo con ela no escudo local de A Coruña. É a enésima vez que me encargan algún traballo onde salga a torre nos anos que levo traballando e a dicir verdade, cada vez que a fago sae algo diferente.

SINATURA DE EXEMPLARES NA FEIRA MEDIEVAL DE CORUÑA

2009-07-22T09:10:00.001-07:00

Seguimos coa promoción do album e parece que aínda queda leria para rato. Mañá asinarei exemplares de Os Lobos de Moeche na Feira Medieval da Coruña e este fin de semana sairá publicada unha entrevista que me fixo o colega Camilo Franco para o xornal La Voz de Galicia. Os lobos siguen oubeando.

CARTEL NOITE DE CINE 2009

2009-07-21T13:43:00.000-07:00

Xa está na rúa o cartel de Noite de Cine 2009. Andará por diferentes vilas de Galicia durante o resto do verán. Este ano adican o ciclo a Darwin e os colegas de IB Cinema pedíronme a reutilización da ilustración da Casa das Ciencias da Coruña que fixera para a colección de láminas de La Opinión. Esta é a adaptación a cartel.

VAI DE CAMIÑO

2009-07-16T09:38:00.000-07:00

Xa anda polas rúas o cartel coa ilustración que fixen para o concerto VAI DE CAMIÑO que terá lugar este venres e sábado no parque de Sta Margarita.

HOMENAXE DE SANTY A "OS LOBOS DE MOECHE"

2009-07-13T07:05:00.000-07:00

Onte domingo, tarde de choiva, estaba tomando un cafeliño a media tarde polo mundo adiante e díxenlle a miña moza: "vou a botarlle unha ollada a La Opinión, a ver que viñeta fixo hoxe Santy". E sen ningunha outra pretensión, tan só coa intención de ver a viñeta diaria do meu colega, collín o xornal na barra. E casualidades da vida, atopeime cunha gran sorpresa, nada máis e nada menos que a viñeta que acompaña esta entrada, adicada a un servidor e recomendando a lectura do meu album. Graciñas, Santy, por alegrarme a tarde de choiva e sobre todo pola túa amizade. Eu tamén aconsello que non deixedes de ler as súas divertidas viñetas.

OS LOBOS DE MOECHE NA FEIRA MEDIEVAL DE BETANZOS

2009-07-10T03:19:00.000-07:00

Mañá asinarei exemplares de Os Lobos de Moeche na Feira Medieval de Betanzos as 18:00 da tarde, no stand da libraría O desván de Andrea. Betanzos é unha das vilas nas que está ambientada a miña historia xa que foi un dos eixos principais da revolta irmandiña de 1467. Ademáis, a de Betanzos, é unha das feiras medievais máis prestixiosas de Galicia e a vila conserva aínda moitois elementos medievais, algúns deles reflexados no meu cómic como o convento de San Francisco, outros perdéronse. Nesta viñeta fixen unha hipotética reconstrucción da entrada da vila que hoxe en día xa non conserva este aspecto amurallado.

PLANETA MïNCHA

2009-06-25T15:28:00.000-07:00

Regresa Planeta Mincha, a miña serie de cómic documental de ciencia-ficción. Despois do desaparecido magazine Caña, a serie arranca de novo cunha entrega mensual na nova revista Viralatas, de distribución gratuita para toda Galicia. O blog oficial do Ministerio de Ciencia Mincha complementa a serie con información adicional sobre o planeta.

BUSCANDO OUTRAS COUSAS

2009-06-14T06:17:00.000-07:00

Hai uns meses estiven a facer probas, buscando novos rexistros de debuxo para libro infantil. Sairon cousas deste tipo, algo moi cercano en estilo ao que será o meu primeiro album ilustrado para os máis novos e que sairá dentro deste mesmo ano publicado por Everest e sobre un texto da miña colega Cristina González (Pupi).

CHAMÁDEME SIMBAD II

2009-05-17T05:10:00.000-07:00

CHAMÁDEME SIMBAD

2009-05-04T07:55:00.000-07:00

Xa está na rúa Chamádeme Simbad, unha novela que ilustrei para Galaxia e que está escrita por Francisco Castro. É a nosa segunda colaboración xuntos, antes foi Un bosque cheo de faias (Everest). As dúas novelas teñen transfondo social, o racismo e o alzheimer. Polo xeral, síntome moi cómodo e sobre todo útil cando me tocan traballos deste tipo por todo o que realmente significan. Ademáis foi un pracer traballar de novo con Francisco.

A OUTRA CARA DE LOPO E MARTÍN DE FERREIRA

2009-05-02T08:17:00.000-07:00

Estiven todo o mes de abril facendo presentacións e aínda queda algunha máis por concertar. A verdade e que paseino pipa estes días encontrándome cunha morea de xente, amigos e tamén moitos descoñecidos que se foron achegando ás presentacións. Tamén quero destacar o trato que me brindaron os amigos libreiros, sentínme en cada unha das presentacións como na miña propia casa.
Na presentación de Vigo, na libraría Banda Deseñada, achegouse o meu amigo e compañeiro de profesión Alberto Turuto e deume o album para que llo asinase. Cando o abrín encontreime con este debuxo dentro. Unha grata sorpresa que quero compartir aquí. A primeira versión de Lopo e Martín de Ferreira feita por outra man.
A verdade é que o album esta funcionando mellor do que eu esperaba e despois da acollida que esta recibindo non poido máis que expresar a miña satisfacción e agradecemento a todos os que o mercades e me facedes chegar os vosos comentarios e críticas.
GRACIÑAS!!

OS LOBOS DE MOECHE EN SANTIAGO, xóves 30 abril

2009-04-30T05:30:00.001-07:00

PRESENTACIÓN EN VIGO, VENRES 17 ABRIL

2009-04-13T10:56:00.000-07:00

FESTA PRESENTACIÓN EN ALITA CÓMICS

2009-04-03T05:39:00.001-07:00

Os Lobos de Moeche na FNAC

2009-04-02T07:25:00.000-07:00

¡¡Hoxe as sete e media primeira presentación de Os Lobos de Moeche na FNAC!! Máis información e extras do album no blog da editorial http://demoeditorial.blogspot.com

VII FESTIVAL MANICÓMICOS

2009-02-26T11:48:00.000-08:00

Rematei esta mesma tarde o cartel do VII Festival Manicómicos de teatro, este ano a gala terá tono rockanroleiro e estará amenizada pola banda Rockers Go To Hell. Entre os participantes deste ano estará o gran Pepe Viyuela ademáis dos colegas San&saN e outras compañías de primeira liña. A cousa promete.

OS LOBOS DE MOECHE II

2009-02-17T06:59:00.000-08:00

Un pequeno avance do meu novo album Os Lobos de Moeche. No blog da editorial xa se pode ver un primeiro trailer e ata o día de salida do cómic teredes un novo fondo de escritorio cada semana. Ademáis veredes aí as novedades que se vaian producindo. Espero que guste.

http://demoeditorial.blogspot.com/

MAKE IT WORST

2009-02-12T04:23:00.001-08:00

Make it worst é o videoclip da banda Meu para o que fixen a dirección artística e tamén os deseños das animacións. Había poucos medios para facelo pero aínda así penso que quedou un producto digno.

2009-02-12T04:15:00.001-08:00

MEU-Make it worst. Dir Luis Pablo Roman from luispa on Vimeo.

OS LOBOS DE MOECHE

2009-02-07T09:26:00.000-08:00

O vindeiro mes de marzo, sale a rúa Os Lobos de Moeche. É a miña primeira aventura gráfica en solitario despois de que a editorial Dibbuks apostara fai dous anos por Damsmitt, obra que fixen en colaboración con Kike Benlloch e que ata agora supuña a miña única obra en formato longo.
Os Lobos de Moeche é unha historia de aventuras que transcurre a finais do século XV e que entremezcla personaxes históricos con outros de ficción nunha trama onde se producen varios saltos no tempo e que está salpicada de dramatísmo, violencia e sentimentos profundos. A obra sairá publicada pola nova editorial "Demo" en colaboración coa entidade Euroeume.
Facía moitos anos, máis de dez, que quería afrontar unha obra de cómic que tivese como transfondo as guerras irmandiñas pero os traballos alimenticios para chegar a fin de mes e outras circunstancias da vida non permitiron que me sentase a escribir un guión ata o pasado mes de decembro. Teño a sorte de que este tema seguía virxe no mundo da historieta a pesares de ter moitísima forza e atractivo.
Despois de máis de 16 anos escribindo historietas curtas para fanzines e revistas, estou moi contento de dar este novo pasiño, e sobre todo espero que non teñan que pasar outros 16 anos para que a vida me permita o capricho de realizar un novo album en solitario.
Máis información: http://demoeditorial.blogspot.com/

A CORUÑA MIRADA CON ARTE

2008-12-12T05:06:00.000-08:00

Onte o xornal La Opinón agasallou aos seus lectores coa derradeira lámina da colección A Coruña mirada con Arte na que participamos catro ilustradores, cunha ilustración semanal cada un de luns a xoves e durante un mes. Os compañeiros de aventura foron os colegas Fernando Llorente, Marcos Calo e Santy Gutiérrez. O resultado desta colección se alonxa bastante da típica serie de láminas que aparecen polo xeral cos xornais xa que non están feitas desde unha perspectiva técnica clásica como o debuxo artístico, a litografía, etc; senón desde a mirada da ilustración. As que fixen eu son dalgunha maneira unha pequena mostra dalgúns lugares e zonas da cidade herculina que dalgunha maneira están ligados as miñas raices coruñesas. Aínda que non se repartiron seguindo un orde cronolóxico, as miñas terían este:

A Rúa de Santiago no casco antigo, onde se criou a miña nai.

O atrio de San Nicolás, onde se criou e xogaba o meu pai de pequeno.

A Casa das Ciencias, onde eu correteaba durante a miña primeira infancia.

Os canones que están diante do xardín de San Carlos, dando un gran salto no tempo ata a miña xuventude, foron testigos de longas noites de punk-rock e botellón, na época na que as tribus urbanas impoñiamos a nosa propia lei nas rúas.

O Obelisco é a miña reivindicación sobre un elemento moi representativo da Coruña, que vive á sombra da famosa Torre de Hércules máis representa unha parcela concreta dentro da historia da cidade que é ben atractiva.

RASPIÑA

2008-12-03T14:32:00.000-08:00

A de arriba é Raspiña, unha mascota que fixen fai varios anos para a campaña UhMMM PEIXE!, da Consellería de Pesca. Se usa para ensinar aos nenos a comer peixe nos comedores escolares. A imaxe de abaixo era unha das moitas outras versións previas que fixen e que non saíron. Se digo que houbo unhas 30 ou 40 versións da mascota ata chegar ao resultado final igual me quedo curto. A emprexa Péxego foi a encargada de facer as diferentes aplicacións da mascota, entre elas un dvd interactivo con algunhas animacións didácticas.

2008-11-10T03:48:00.000-08:00

Sigo a recuperar vellos carteis, este foi para o concerto de Canto de Autor por Galicia durante a marea negra do Prestige e con deseño dos colegas da empresa Sysyvisions. A verdade e que foi moi emotivo facer un cartel para un elenco de luxo e sobre todo polo significado reivindicativo e o que este concerto supuña dentro das movilizacións sociais que se produciron en torno a esta catástrofe medioambiental.

HISTORIAS QUE CONTAN AS PAREDES

2008-10-30T08:05:00.000-07:00

Esta é unha escolma con algunhas das imaxes que fixen para o libro de Ana María Fernández "Historias que contan as paredes", editado por Everest Galicia e que xa está sendo distribuido en librarías.
Foi unha interesante experiencia enfocar o traballo utilizando diferentes tipos de paredes como tetigos mudos do que acontece na vida e que con tanta sensibilidade sabe contar Ana María.
Obviamente, as imaxes adquiren máis sentido ao ler os textos que acompañan.

2008-10-29T14:30:00.000-07:00

Sigo subindo carteis de antaño. Hai xente que renuncia ao seu pasado, a mín me gusta buscar no baúl dos recordos cousas que fixen fai anos para ver como vou evolucionando tecnicamente e non me importa amosalas. Este cartel fíxeno para o décimo aniversario do centro de Información Xuvenil hai 12 ou 13 anos. Desde entón as cousas cambiaron. Foi un dos primeiros chollos que fixen con ordenador. Os debuxos están feitos un por un sobre papel con acuarelas porque daquela aínda non controlaba o photoshop para colorear.
Escaneei todos e maquetei no illustrator. O meu primeiro ordenador creo que tiña 128 megas de disco duro. renderizar o cartel de 50x70 levoume case toda unha noite. cada vez que salvaba un cambio me fumaba catro pitillos e tragaba dous cafés. Horripilante parto aínda que logo funcionou moi ben.

Ecoloxía

2008-09-06T04:32:00.000-07:00

Ilustracións para un proxecto dunha axencia de publicidade relacionado coa ecoloxía.

CORRELINGUA

2008-09-05T02:47:00.000-07:00

Aí vai o deseño de unha oca que fixen para a Asociación Socio Pedagóxica para incluir na publicación do Correlingua, a súa campaña de promoción da lingua que se celebra anualmente en diferentes vilas e cidades de Galicia.

MÁIS MIKI NERVIO

2008-05-24T11:15:00.000-07:00

Xa que estamos, está é a cuberta do segundo cd da banda. Hai nove anos de diferenza entre ambos traballos.

CUBERTA MIKI NERVIO

2008-05-24T10:42:00.000-07:00

Dúas versións para a cuberta do 4º traballo discográfico dos colegas Miki nervio and The Blues Makers. Finalmente saiu publicada a versión en tonos azuis ten un toque menos retro pero é máis chamativa. O cd xa leva uns meses á venta en tendas de discos.

2008-05-14T08:51:00.001-07:00

Outro máis para SAN&SAN.

2008-05-14T08:36:00.000-07:00

Estou rescatando estes días traballos que teño feito de cartelería. Aí van dous para a compañía de teatro SAN&SAN.

2008-05-09T17:29:00.000-07:00

2008-05-09T17:25:00.000-07:00

2008-05-09T16:59:00.001-07:00

NANO

2008-05-09T16:47:00.000-07:00

Algunhas ilustracións para a novela Nano de Concha Blanco, editada recentemente por Everest.