jueves, 6 de agosto de 2015

MAKING OFF CARTEL "XV FESTIVAL MANICÓMICOS"

O TEMA
A idea era meter aos personaxes das obras que presenta cada compañía participante nesta edición do festival. O motivo de fondo que propuxen para esta edición é o Obelisco. Para variar un pouco da recurrencia clásica á Torre de Hércules elexín este monumento do modernismo coruñés xa que é unha das  localizacións a pe de rúa onde se celebra este festival. Desde sempre vin no Obelisco unha das máis representativas e recoñecibles iconas da miña cidade.

O DESARROLLO

Na primeira fase, de boceto a lápiz, aparecen elementos que logo foron descartados para gañar espazo na composición final como a bruxa que voa máis alto. Por outra banda falta o personaxe de laranxa ("Psicópata") que logo debuxei na versión a tinta pero unha vez escaneada xa no ordenador pois non tiña a información gráfica para facelo cando estaba na fase de lápiz. Un remendo que encaixou ben a pesar de que non existe na tinta real xa que ese "elemento", e nunca mellor dito, foi trazado en photoshop.



Despois de encaixar o boceto a lápiz coas conseguintes revisións e correcións que vou falando coa persona que coordina esta parte do festival para pulir detalles e paso a entintar o debuxo sobre un novo papel na mesa de luz. Nesta fase tomei a decisión de eliminar outro elemento, a carpa de circo, para gañar máis ar e espazo na composición final e que quede todo menos afogado unha vez integre os textos.

O seguinte paso é a fase dixital. Unha vez escaneado en diferentes capas vou traballando a cor, estudando a paleta, iluminando cunha capa de sombras e metendo horas de traballo ata que quedo satisfeito coa ilustración. Neste tramo de traballo é onde integro tamén algúns elementos como as nubes, algúns detalles de liñas cinéticas.

A fase dixital sempre me leva bastante máis do planexado xa que a posibilidade de xogos de paletas de cor que se poden aplicar abre sempre un mar de dúbidas e un campo de probas ao que hai que saber por punto e final. Polo xeral deixo que a propia ilustración me fale e me conte o que quere.


Simultáneamente, vou traballando tamén probas deseño duarnte o proceso para calcular os espazos dos textos e elementos de deseño que hai que integrar na composición. Fixen unhas cantas versións diferentes de maquetación dos textos, probei bastantes tipografías, cores, etc; ata que chego ao resultado final.


No cartel hai un código QR incluído para evitar poñer toda a carga de datos da programación e que sexa máis lexible. Mediante o uso deste código a xente pode descargar directamente o díptico informativo coa programación nos seus dispositivos móbiles. 
Espero que o disfrutedes!!

martes, 30 de diciembre de 2014

viernes, 9 de mayo de 2014

DESTINO HËRGÜSS

Sigo avanzando pouco a pouco "Destino Hërgüss". A novela gráfica que está presente no meu estudo como o Rio Guadiana. No Planeta Mincha o tempo corre ben diferente. Sen prisa pero sen pausa.

jueves, 30 de enero de 2014

viernes, 27 de diciembre de 2013

VOLTOU "A FRAGA MILMAÑAS"



Pasou arredor dunha década desde que desapareceu a revista Golfiñó e con ela a serie que facía con guións do amigo Carlos Amil, "A Fraga Milmañas", e que tan boa acollida tiña entre os nenos e nenas do momento.
Estou encantado de ver as páxinas publicadas xuntas nun libriño. A diferenza de outros moitos traballos que teño feito anos atrás, creo que neste caso é unha obra que pasa ben o filtro dos anos. As personaxes funcionan porque están ben meditadas na súa construcción e acordes á personalidade da que gozan nos guións de Carlos.
Falando con Carlos, neste reencontro agradable, non descartamos retomar a Fonsa e Ferocio e facer algo novo algún día xa que no seu caso tamén está satisfeito do resultado unha década despois. Nunca se sabe. Agora a ver como funciona o libro e se as novas xeracións de rapaces disfrutan dentro da nosa particular fraga igual facemos un novo soño realidade.
Espero que o disfrutedes!!

miércoles, 23 de octubre de 2013

Chega "VENTO E CHUVIA" ás librarías galegas.


O vindeiro mércores 30 de outubro, gran presentación en Compostela do meu máis recente traballo, "Vento e chuvia". Un fantástico e moi ben documentado texto de ficción de Manuel Gago, en torno á mitoloxía da Idade do Ferro, que tiven o pracer de ilustrar. Unha morea de horas de traballo detrás deste proxecto que vai máis alá do propio formato libro. A edición corre a cargo de Edicións Xerais.
Máis adiante espero poder contar máis detalles desta experiencia e proceso, polo de agora tedes máis info na web oficial do proxecto, así como todos os detalles sobre a presentación. Premede no enlace e benvidos ao mundo dos castros:

www.ventoechuvia.com



viernes, 20 de septiembre de 2013

"LAMPÖNAK"

WARNING! o lampönak é moi perigoso, non vós acheguedes moito a este especimen se pasedes pola expo que estará ata este domingo 22 de setembro na Fundación Luís Seoane, dentro da programación do Freakemacine 2013.
Máis info sobre esta criatura no blog de Planeta Mincha. Tamén atoparedes información sobre o seu proceso dixestivo no libro editado por Everest, "O temible lampönak", dentro da colección "Diario de Pichük".
En breve haberá máis novidades sobre o Planeta Mincha, no que non paran de suceder cousas.


Reproducción do lampönak en volume por Laura Blanco e Chari.

martes, 17 de septiembre de 2013

"ESCAPADA AO PLANETA MINCHA"



Baixo este título podedes visitar durante esta semán, a micro exposición sobre Planeta Mincha que montei, dentro da programación do Festival Freakemacine 2013, na Fundación Luís Seoane (A Coruña). Un luxo expoñer neste espazo e colaborar nesta edición do festival.
Na expo poderedes ver varias pezas en volume e 18 ilustracións con diferentes ambientes do Planeta Mincha. Algunhas inéditas, outras pertencentes á colección de libros "Diario de Pichük" (Ed. Everest) e outras que xa formaron parte de "Estampas do Planeta Mincha" na galería 9the13, durante o Viñetas desde O Atlántico 2012.
É a terceira mostra de arte mincha que fago e xa pensando na seguinte. Espero que pasedes a vela e a disfrutedes mergullándovos nela ;-)



jueves, 18 de julio de 2013

PLANETA MINCHA NO SALÓN DE CÓMIC E ILUSTRACIÓN DE CANGAS

Do 22 ao 28 de xullo, poderase ver unha expo con obras de Planeta Mincha en Cangas que recolle desde páxinas de banda deseñada ata ilustración da colección "Diario de Pichük" e outras obras inéditas e bocetos. Ese fin de semán andarei por alí como convidado oficial. Moitas ganas de ir e moi agradecido de ter sido convidado a este veterano salón galego.
O venres 26, ás 19:00h, se vós apetece pasar, estarei nunha charliña con Marina Seoane moderada polo gran Horacio Altuna e logo sesión de sinaturas. Un luxo compartir escenario con bos amigos coma eles.


Aquí a programación completa:



martes, 8 de enero de 2013

REPOR NA TVG SOBRE A EXPO "ESTAMPAS DO PLANETA MINCHA"

O pasado mes de agosto emitiuse esta reportaxe no telexornal da TVG anunciando a expo ESTAMPAS DO PLANETA MINCHA na galería 9the13.

miércoles, 2 de enero de 2013

jueves, 20 de diciembre de 2012

MAÑÁN VENRES PUNTO E FINAL!!

A partir das 19:30 horas estarei en ALITA desvelando a verdadeira chave da profecía maya !!

domingo, 9 de diciembre de 2012

CHARLAS SOBRE O PROXECTO "TORRE DOS MOUROS"


Esta semán quedan por diante un par de citas interesantes. A primeira na biblioteca Anxel Casal de Santiago e a segunda a barferencia no Pub Dublín, na Coruña, con expo incluída. Este comic-book non é máis que un pequeno escaparate de todo o que hai detrás do Proxecto Torre dos Mouros, sen dúbida un achado de gran valía de cara a comprender unha época da que a día de hoxe a información segue a ser escasa en Galicia.
Estou seguro de que os que pasedes polas actividades programadas non vós iredes decepcionados porque imos a compartir con todos cada detalle desta estupenda aventura na que conflúen historia, arqueoloxía, xornalísmo e banda deseñada.

Datas e horas na anterior entrada ;-)

martes, 27 de noviembre de 2012

DATAS DE PRESENTACIÓN DE "A TORRE DOS MOUROS"


VENRES, 30 DE NOVEMBRO: Carnota. 
Salón de Actos do Concello ás 19:30 horas. Presentación dos resultados da Campaña 2012 e da BD de Manel Cráneo. 

XOVES, 13 DE DECEMBRO. Santiago de Compostela. 
Biblioteca Ánxel Casal ás 20 horas. Presentación da BD de Manel Cráneo. 

VENRES, 14 DE DECEMBRO. A Coruña. 
Pub Dublín ás 18:30 horas. Barferencia sobre a Torre dos Mouros con presentación da BD e exposición de orixinais do cómic, a mostra manterase do 14 de decembro ao 15 de febreiro.


martes, 23 de octubre de 2012

A TORRE DOS MOUROS

Aí van dúas páxinas do meu novo cómic-book que sairá publicado en cuestión de días por Demo Editorial.
"A Torre dos Mouros" é un proxecto que me ten enganchado desde o primeiro momento no que Manuel Gago me propuxo participar. Creo tamén que é un proxecto sen precedentes en Galicia, no que a través dunha historia de ficción, con personaxes anónimos, se manifesta mediante o cómic unha hipótese histórica e arqueolóxica sobre o posible uso desta fortaleza. Un lugar que agocha certos enigmas en torno á súa estrutura arquitectónica. O lugar, parece lembrar algúns aspectos da cultura castrexa máis con outras características diferenciadoras que fan que o equipo técnico se decantase por situala na alta idade media.
Aínda que estamos a falar dunha publicación nun formato estilo comic-book, moi curta, de 12 páxinas, creo que serán 12 páxinas intensas onde intentei fiar coa ficción unha reconstrucción do que podería albergar no seu tempo este xacemento.

Se che interesa o asunto podes obter máis información no propio blog de Manuel Gago, o meu asesor histórico neste proxecto xunto ao arqueólogo Antón Malde. Con eles hei recoñecer que disfrutei en grande ao longo deste proceso creativo e me facilitaron pautas fundamentais para conseguir facer unha pequena historia fundamentada, como eu procuro sempre, na busqueda da coherencia e no intento de comprensión, neste caso, de como era o funcionamento social dunha época onde as fronteiras de Galicia lindaban coa ameza pagana dos vikingos polo norte e a musulmana polo sul.
Un momento, delicado, no que o cristinianismo peninsular tiña o seu epicentrro en Compostela e polo tanto esta era un tesouro ambiciado por uns e por outros.
Unha Galicia que vivía en liberdade pero coa fraxilidade de estar entrambas ameazas. O auténtico protagonista desta historia é o propio pobo de Lira, ubicado nesta fronteira cultural, social e relixiosa e polo tanto exposta aos máis terribles perigos.

Máis info no blog de Manuel Gago, na web de Torre dos Mouros e no propio de Demo Editorial.


sábado, 4 de agosto de 2012

SOBRE A EXPO "ESTAMPAS DO PLANETA MINCHA"

Onte ás 20:00h inaugurouse a miña expo Estampas do Planeta Mincha na galería 9the13 (Rúa Tabernas, nº9, A Coruña) que permanecerá todo o mes de agosto.
Estou moi agradecido a todos os que pasastes por alí. Houbo un momento no que había alí tantos colegas que nun momento casi imaxinei que estaba presente no meu propio sepelio.
Fora o que fora, recibín unhas cantas frores, e iso non vexades os ánimos que da para seguir adiante nesta profesión tan dura e de longo percorrido, onde todo custa gran esforzo.

ESTAMPAS DO PLANETA MINCHA
Trátase dunha mostra con 41 pezas, feitas practicamente todas en exclusiva para esta ocasión. As pezas están todas á venta. Esta actividade supón entrar nun novo ámbito con este proxecto multidisciplinar, como é o da galería de arte, grazas ao convite dos galeristas Alberto Cartón e Mol.

Que podedes ver na exposición:
- 18 retratos de habitantes do Planeta Mincha, realizados con temperas, acrílicos, lápiz e tinta sobre papel.
- 20 ilustracións ambientais que reflicten diferentes aspectos e lugares do planeta, realizadas con lápiz, tinta e cor dixital e impresas sobre papel fotográfico de alta calidade.
- Unha ilustración de 50x70 cunha escolma de roböts homologados (excepto un que non pasou a homologación)
- 2 roböts pintados con acrílico sobre estructuras de cartón.
- Un diaporama cunha selección de imaxes da propia exposición e de tres dos meus libros da serie Diario de Pichük, editados por Everest. Sonorizado con música mincha da miña propia sinatura.


Espero que os que pasedes pola mostra este mes disfrutedes dela e que a xente se anime a invertir nalgún dos meus orixinais. Aos que xa o fixestes aproveito tamén para dárvolas grazas ;-)


domingo, 22 de julio de 2012

"COUSAS DE MORTOS" Á VENTA EN AGOSTO


O luns 6 de agosto sae á venta o meu novo album de banda deseñada: "Cousas de mortos". Unha recopilación cunha escolma de historias de esqueletes, editada por Demo Editorial. Xa tiña ganas de coller parte deste material e xuntalo dalgún xeito. Agora xa podo dicir destas historias esquecidas polas páxinas de múltiples revistas en fanzines. Descanse en Paz!

jueves, 17 de mayo de 2012

UNHA TARDE EN MARINEDA

Había tempo que non facía unha entrada no blog. Que o día teña 24 horas non da para moito.
Estas son as dúas primeiras páxinas de 6 que ten a historia "Unha tarde en Marineda". que aparecerá publicada no derradeiro número do fanzine "Sen ánimo de Lucro". Unha pequena bd de intriga ambientada nunha hipotética Coruña de finais dos 60´s.
Qué como remata?
Pois haberá que buscalo fanzine e mercalo... ;-)