Onte o xornal La Opinón agasallou aos seus lectores coa derradeira lámina da colección
A Coruña mirada con Arte na que participamos catro ilustradores, cunha ilustración semanal cada un de luns a xoves e durante un mes. Os compañeiros de aventura foron os colegas Fernando Llorente, Marcos Calo e Santy Gutiérrez. O resultado desta colección se alonxa bastante da típica serie de láminas que aparecen polo xeral cos xornais xa que non están feitas desde unha perspectiva técnica clásica como o debuxo artístico, a litografía, etc; senón desde a mirada da ilustración. As que fixen eu son dalgunha maneira unha pequena mostra dalgúns lugares e zonas da cidade herculina que dalgunha maneira están ligados as miñas raices coruñesas. Aínda que non se repartiron seguindo un orde cronolóxico, as miñas terían este:
![](https://blogger.googleusercontent.com/img/b/R29vZ2xl/AVvXsEh56UaXHBEucm4v8Ot0HkMU96FUQy9IQ_PRhVQo0HResJ4zFK2vDECgM-LmbtzuMVvmTS5wj0Bkal9VI1iJsfiVksSV0HVYIoFTiCcbSPV8m3UoL0SO9qCMRMLFzYPB8bS9m15-iQfbatw/s400/R%C3%9AA+SANTIAGO.jpg)
A Rúa de Santiago no casco antigo, onde se criou a miña nai.
![](https://blogger.googleusercontent.com/img/b/R29vZ2xl/AVvXsEiLo5tPBndxyjVeD4zbQ9hPyr-fuDQ1LYOCUFkYNAMfW9x5bjbDQDqJsTI-W8CcBivs5omhpdDguLkr09zvxhe0mD2M_bluDmowfW8EjRK-RRCzfNkmlxnTsBQBF3OapuZ72ryYkqDJEh8/s400/ATRIO+SAN+NICOL%C3%81S.jpg)
O atrio de San Nicolás, onde se criou e xogaba o meu pai de pequeno.
![](https://blogger.googleusercontent.com/img/b/R29vZ2xl/AVvXsEjwKoWa1thyO9plbSY6cwoojy2zIPbO02-YEyV-UmWUxKJk8Eniq2H6ver2vWlcqurw8amrV0qd08galTA3ygmfD1-oXGc9Y8PW4FDRcZXoXIr62qLIUPklm4AQhkYl_4OwAZQtPOBu1ME/s400/CASA+DAS+CIENCIAS.jpg)
A Casa das Ciencias, onde eu correteaba durante a miña primeira infancia.
![](https://blogger.googleusercontent.com/img/b/R29vZ2xl/AVvXsEju-mjIHMKvP6EIHz3KFeGz0SyJrplNLPudAlwNGCIs8-9RnzyNQgJgzaSYLaBVPk4rkPncoDiDlmIF3G6zkAw7VPKtKN_-w1zhE3Mgms6DZzT-J0z8iwppgVImQFvhVfkeEA44LPQx8qo/s400/CA%C3%91ONES-SAN+CARLOS.jpg)
Os canones que están diante do xardín de San Carlos, dando un gran salto no tempo ata a miña xuventude, foron testigos de longas noites de punk-rock e botellón, na época na que as tribus urbanas impoñiamos a nosa propia lei nas rúas.
![](https://blogger.googleusercontent.com/img/b/R29vZ2xl/AVvXsEgMlyOkmKDq5yfjYZpQNFtHi4-GI6_hMhB5t5o5wvqlKk5HbiDJ4QrlYDPt1VU90vwo-HKzeDDZqXoZzo6oCBk3iCY3cF6p6XvaGDPKV2G8riPT3GhdogMJn0uqSUxjdRjtQP-YkmJbJ54/s400/OBELISCO.jpg)
O Obelisco é a miña reivindicación sobre un elemento moi representativo da Coruña, que vive á sombra da famosa Torre de Hércules máis representa unha parcela concreta dentro da historia da cidade que é ben atractiva.